بەهێزکردنی سەروەریی یاسا و پاراستنی یاسایی بۆ ڕزگاربووانی توندوتیژیی جێندەری: هاوبەشییەکی گشتگیر لەگەڵ سندوقی نەتەوە یەکگرتووەکان بۆ دانیشتووان (UNFPA)
KRI & IRAQ
تەواوبوو
پێناسەی پڕۆژە: ڕێکخراوی لێکۆڵەر بۆ سەروەریی یاسا (IOL) بە هاوبەشی لەگەڵ (UNFPA)ی عێراق زنجیرەیەک دەستپێشخەریی گشتگیری بۆ برەودان بە دادپەروەری و مافەکانی مرۆڤ و میکانیزمەکانی پاراستنی ژنان و کچان جێبەجێ کرد. چالاکییە بنەڕەتییەکان بریتی بوون لە پێشکەشکردنی یارمەتی و ڕاوێژکاری و نوێنەرایەتیکردنی یاسایی بۆ ڕزگاربووانی توندوتیژیی جێندەری و باجگیریی ئەلیکترۆنی، هاوکات لەگەڵ هەڵمەتی هۆشیاریی کۆمەڵایەتی دژی هاوسەرگیریی پێشوەختە. بۆ بەدامەزراوەییکردنی ستانداردەکان، ڕاهێنانی تایبەتمەند بەپێی پرۆتۆکۆلی نێودەوڵەتیی لێکۆڵینەوە لە توندوتیژیی سێکسی لە کاتی ململانێکاندا پێشکەش بە لێکۆڵەرانی دادوەری، ئەفسەرانی پۆلیس، پارێزەران و پزیشکانی دادوەری کرا. هەروەها پڕۆژەکە هەوڵەکانی چڕکردەوە بۆ چاکسازیی یاسایی و دامەزراوەیی لە ڕێگەی هەڵسەنگاندنی یاساکانی تەندروستیی زاوزێ، داڕشتنی ڕێساکانی ڕەفتار بۆ خۆپاراستن لە دەستدرێژی و ئیستغلالکردنی سێکسی (PSEA)، و بڵاوکردنەوەی چەندین ڕێبەری یاسایی و پزیشکیی دادوەری.